Misava
Wa dya awu noni
Wa dya awu nyuki
Wa dya awu nyuheli
Misava wa dya awu khathali
Hambi swifumi u dyile
Swisiwana na swona u dyile
Varhangeri u dyile
Malandza u dyile kambe furha uhava
Utele lunya utele vukwele
Hinkwavo ungadya hi sala hi rila
Udya Na vafundisi awu nyumi
Udya swigevenga awu chavi
Udya vasweti ha rila
Udya lavo ganya ha rila
Hayi wena misava wa chavisa
Ka man’wana matiko wa ninginika
Kun’wana wa tshwa u hlanta lero hisa ridhaka
Wa hemba na wena uta hela
Uta vuya loyi aku hlulaka
Ndzi vula loyi aku fumaka
Awu xurhi hayini
Udya leswi hahaka
Udya leswi fambaka
Vanhu wa potlosela
Swihari na swona wa mita
Hixihi ungatadya u hlanta xana
I vangani udyaka hi siku
Hikwalaho ka yini unga xurhi
Swisiwana udyela yini
Kona lavo ganya udyela yini
Misava wa dya awu noni
Misava wa chavisa.
About The Author
